قـصـیـــــدة
{ زینب تـُعـاتِـب اخیهــا الحسیـن ع }
***
یَحسیـن اطلعِت وَیـّاک مِن دیرَت هـَلی یَحسیـن
یَـبن امُی اشعِمَل وَیـّای مِن بَعـدَک یَخویـه البیـن
***
یَحسین اطلعِت وَیـّاک مِن ارض المَدینه او جیت
عَزیزهَ او ماشیـه بحمَاک عِفت الأهَـل ویه البیت
لجلک یَا عَزیـز الروح الک یـبن النبـّی ضَحیت
عُمری او گلـت ماریـده بس : سالم ینـور العـیـن
***
یَحسیـن اطلعِـت وَیـّاک او یُـبرالی البَطل عَباس
او حَیَاتک ما خطرلی بال غیر الفخـَر والنوماس
دَگ إیـدَه عَلیَ سَـدره او سِمعـَت بیـه کل الناس
اوحَط إیدهَ البطل عَبّاس أبإئیدی مِن أبوالحسنین
***
حَط أیـدهَ البَطل عَباس أبإئیدی مِن ابـوی أبـزود
او گال آنآ کفیلچ دوم انرد اعلیَ الوَطن وانعـود
ابکفالتکـُم یَـبَعـد اهـلی بشروط او عَهَـد مَعهـود
کفیلی امن ایدابوی اهناک ابلیلت واحدوعشرین
***
کفلنی امنیدابوی اهناک اوگال ابشاربی وعِندی
او گال انا التعَـرفینی اشلونه الیـوصَل الحَــدی
مایدری انا العَباس او شوفی اعلیهـُم اشـیسـدی
لسَوّیلـچ بحَـر مِن دَم شبه سیل العَـرم بسنیـن
***
ابعِـز او شَرَف یَخـوَانـی گطعَـت البیـد ویاکـُــم
اوراسی اعلیَ النـَجم عَالی یوم اسمَع حَچَایَاکـُم
لاکِن مِن وصلت اهناارض کرَب اوبَلااعـَداکـُم
عراگ وشامهَاامخیّمه اومگلوبه العَرَب صوبین
***
مگلوبه العَرب صوبین اوهَذ الجیش هَل جَرار
وَدینه الوَطن جَـدنـه یـَثرب یَـبن ابـوی الـدار
گاللهـا یَـبت حَیـّدَر الموت او لا رکـوب العـار
هاذ الجیـش یطلبـنی مِن غـَزوت بَـدر وحنیـن
***
مِن سِمعَـت کلام حسیـن زینب ایّسَت مِنهـُــم
ما ترجَـع بَعَـد لـدار الیَـثرب والمـَراتِـبـهـُـــم
گامت تِـنشِدامن حسین اصحابَک شِفِت نِیّتهـُم
گالـلهــا یَـبِت حَیـدَر یَختـی باچـِر اتـشوفـیـن
***
یَختی باچراتـشوفیـن اومِن عِدهـُم حَبیب الحید
عِدهـُم والله یوم الکـُون لوصارالضَرُب والوَید
لوصَکت الخیل ابخیل وارماح الِزلِم کل عـیّـد
الکل منهُم اسوداهناک اوکل واحَد یُعَـد بَالفیـن
***
کل واحَـد یُعَـد بالاف هـُمـّه الغایـه والأنصار
وایّـذل العَـدو مِنهـُم او یُصِبح شارد اومنهـار
صَوَاعِق والسِیوف اتصیر باچروالعَدو یحتار
مایدری المُفر یاصوب ولا یندل طریقهَ وَیـن
***
ماتِدری المُفریاصوب مِن سِیف البَطل عَباس
اینکِـس کل روایاهـا وأیصیح ابتـوالی الناس
ابوی الشیّد الاسلام اودگ ابسیفه ثایه اوساس
وینه الیوگف ابحَدی وانا ابن الضَرَب سیفیـن
***
واتـشوفیـن یا زینب یَخویـه باچـِر المیـدان
عَلیَ ساق اوقدَم والخیل اوکلها تهجِم العِـدوان
عَـلـینـه لا یَـبِت حَیـّدر وایصیرالدِمَـه نـُهـران
مِـن اسیوف خوّانچ اومِن اصحابی الطیـّبـیـّن
***
لاکِـن گلهَا یا زینب شَگِلِـچ خویـه اسمعِـینی
ابصَبُرکل طود من امُچ الزهراابوَرَع عینینی
ابهیدهَ او عَلیّ لا تبچـیـن لو عَالگاع شفـتـینی
مَا واحَد یظُل ویـّاچ بَس انتی حَرَس تبگـیـن
***
انتی الضُخـُروانتی البیت اوانتی عین المخیـّم
احفظـیلی الحَرَم واطفال اوهذا هَـل أمر مُحتـم
باچـِر لازم اتـشوفـیـن بالنــار الخـیّـم تـُضَـرَم
او کلنا اعلیَ الـثرَا نومه بَس انتی یَنورالعیـن
***
اتگلـه یَـبن ابـوی اشلـون شنهـو البُصر دلینی
او مِن بَعدَک وبوفاضــل الیـَثرب مِن یـوَدینی
ایگلها اهـناک بالکوفه اوبارض الشام تـنعینی
یَختی وهَلأمرمَحتوم صَک یوم الحَشر مِنطین
***
لاکِـن یَختـی یا زینَب لـو چَلچَـل عَلیـچ الیـل
بَاریلی عَـلیّ السَجَاد حِیث الجِـسِم مِنَه انحِیـل
او یَختی لِمِی النسوَان واطفال اوحَرم وعلیل
اولوصارصُبُح یَختی علیَ النوگ الهزل تمشین
***
لمّن چَـل عَـلیها الیل یَم حسین اجَـت زیّـنـَب
تگله اگعِـد یَـبَعـد اهـلی ویـن اهلالکـُم غَـَرَب
شِنهوالبُصُرشِنهوالرَای وانته ابدَمَک امخَضَب
او باچر لو حِدا الحَدّای مانِدری المَسیر امنیـن
***
زینب ایّـسَت مِنـَّا او راحـت لعِــد کافـلـــــها
یـبوفاضل انا زینب اعـذریـنــی یگـلـلــــــها
ترَانی بِالعَـمَـد مفظوُخ او أدیـّه البیـن گطعها
اوعینی السَهَـم طفاها او راسی منجسم نصیـن
***
اتگله العِـذر مِن عِدکـُم باچـِر لو حِـدا الحَـدّای
یاهـو الی یرَکبنی و یـباری مَحمَلی ابمِـمـشای
وین الگاک یَبن امُی ومِن عِندی خَلصَ مَنوای
ایگلـلـها العُـذر یَخـتـی اوعَلیـه بَعَـد لتعِـتـبـیـن
***
التِـفـتـَت زینب او صاحت یَحیّـدرالحَگ اعـلیـّه
یـبویه احسینکـُم مطروح اوعَباس اعلیَ شاطیه
کفیلی الکـَفلِیتـه اهناک او حَط چَـفـینـه بیـدیـّـه
تعال علیَ النهَرمذبوب وشوف السَهَم وَسطَلعین
***
هَــذ احسینکـُم مَذ بـوح عـَریـان او بَلیـّه راس
تعالوله یَـبَعـد اهَـلی یَـبویـه او بالخیـول انداس
یَجَـدی هَــذ ریحَـانک تِـتـفـَرَج عَـلـیــه النـاس
او انـا امحیـّرا تمِّیت لا ناصر ولالـی امعِـیـن
***
هَـاذ حسینکـُـم یاجَـد و اخوتـه عَلیَ الـثرَا نومه
منهُم بالخیـول انـدَاس او هَــذ السِلبَـوّ اهـدومـه
مااگـدَر أصِل لِـیهـُم یَجـَدی او حایطه الحـومَـه
عِـدوان او زلِم والخیـل کلها اعلینه مجتمعِـیـن
***
مااگـدَر أصِل لِحسیـن یا جَـدی أو: أودعَـنـــَّــه
اوأدری مِن بَعَد سَاعه اشلون امشی او أعوفنـه
الو سار الظَعَــن یاجَـد بَعَـد هـَیـهَـات اشوفنـــه
او اظـل انعَـاک یَـبن امُی لاهـّو عَـام لاعَامیـن
***
اظـل انعَـاک خویه اشلون باچـِر لو یمشونــــه
عَلیَ النوگ الهزل یَحسین صوب الشام یهدونه
اشأسوی ابهَل حَرم واطفال بالبَر لو ینزلونـــه
اوکِلها امخـَدَرا النسوان ولاعَالـتعَب متعَـودین
***
مِتعَـودهَ یَـبویـه اشلون کلهَا اعلیَ الخـُدُر منکـُم
او بالسَجـاد متحَیـَرا او چنکـُم خبَر ماعِـدکـُــم
یطارش روح گلـلهـُم یُـبهَ انسلبَت حَـرایـرکـُـم
نوّاالظَعَـن صوب الشام اوبأثـقال النبی امعَیدیِن
***
هَـل سارالظَعَـن یاجَد او: وینک یا عَلی الکرَار
مَلجَــأء مَابُگـهَ عِـنــدیِ یَهـَلـنـهَ لاخـیـّم لادار
هـاذ الـثار ویـن الـثار الحَگ یَـبن راعی الـثـار
یَـبن العَسکری مولای اوتِـشفی اگلوب المحِبین
***
تِشفی اگلوب المحِبین اوتاخِذ ثارَک امن اعداک
یَـبوصَالح علینـه الیـل چَلچَـل و الفجُـر بالـواک
تِـندِب سَیدی مُولای شِیعَـتکـُم تـریـد اهـنـــاک
توگـف تاخِـذ الـثارات مِن عِـدوَانـه المـاضیـن
***
بَاعـّو واشترو مَولای ظَمائِـر مِن بَعَـض لِسلام
او عِملوُ باطِل ابلا خوف عَـقـإئـد خیـبر ابأعلام
ابأرض العَـَرب والأسلام یحکـُـم لیلا و الأیـَّام
الحگ سَیدی ابزودَک اوجَرد سِیفک ابهل حِیـن
***
والیوم أصبَحَت عِـدوان عِـدنهَ اکثر امن الفـات
شَی اتسب عَلی الکرَار جَدک ذاک ابوالحَملات
اوشَی تِـنسِب الک مَولای اخبار ابچـذب رایات
بـیـع او شَرا صَار الیـوم یآ آلل أسف بالـدّیـن
***
یَحسیـن اطلعِـت ویـّاک مِن دیرت هَـلی یَحسیـن
یَـبن امُی اشعِمَل ویـّای مِن بَعدَک یَخـویهَ البیـن
***
ملاحسن حلبوص العبادي
اين وبلاگ براي محبان اهل بيت (ع)