قـصـیــــدة

{ العـقـيـلــة تـُعَـا تِب ابالأحـرار }
***
لا تعـوفـونـي : لاتـخـــلـونـي : حسيـن
خـويــه  او يالـعـدا  لالا  تخـلــــونــي
ايهـلـن  اعيــوني :  يعـمَن  اعـيــوني
افراگـكـمُ   يصعَب علـيّه  لاتعـوفـوني
***
لا تعوفوني يخويه اويالعدااطفال اوحرم
اطفالكم تمت  يتامه  ابليل  والوادي ظلم
اتصيح عـمه وين ابونه اويّن شيال العلم
اويّـن ظعـن البي اجينه  ما ترا اعـيوني
***
ماترَااعيوني يخويه خلف ضنوت حيدرا
چنت احسب بالظعاين راده  للحي  تـرا
اشلون تالـيـت الظعـايـن راده ابليـه ذرا
راده ابلـيـه  هـوادج  والعـده اسرونــي
***
أسروني لايخوتـي  ويـن  كافـلنـه الأســد
ابيوم من يثرب مشينه الكربلاابذاك العَهَد
ابجاهكم يهل الحميه اظعونه السارت ترد
من بعـد كم لايخـوتي خابـت  اظنـونـــي
***
خابت اظنوني يخويه كلها نومه عليَ الثرا
اسهام مسمومه اخوتي اوبالسيوف امطبرا
اوسادكم *منرميل قـبرا اوبالدموم امعَفـَرا
وينـكـم  ياهـل  الحمـيـه   ما ترد ونـــــي
***
ما تردوني  يخويه  نومه  كلـكـم  والـقـدر
صابكم ياهلـل حميـه اولابگـه عـندي صَبُر
امن الحريم اوهالطفال اشلون منعده العُـذر
من عـلي  طلبـو شجـاوب  لوينشد ونــــي
***
لو ينشدوني  شجاوب  لطفـال او للعـليــل
الكلي من عدهُم ينادي بزجُروالمدمع يسيل
او لوارد للخيم وانظرماارا غـير العـويــل
الكل ينادي ايصيح  بويـه  ويـن عفـتونــي
***
وين عفـتوني شگل  للفاگده طفله او طفـل
والعليل امگيدينه اينوح گص زندي الحَبل
آه  ياوسفه الوكت هالصابنه اوراح العـدل
او دارت  اعـلينـه الاعادي ولايـرحمونـي
***
مايرحموني يخويه اعـلينه تـتـفـرج  تـرا
اومن بعدذاك الخُدُرترضه يسبع الگنطرا
امخدرتكم  ماشيه  خويه  تراني  اميسرا
اويالعـدا  امشي يخويه اوسگم  يسگونـي
***
سگـم يسگـوني يخويـه شلون هـل نمومه
تصير
اطفال خوك اتحوم تمت تنظرالدربك تدير
ظاميه امن العطش كلهالامعـين اولانصير
اتـلوع  كلها اشلون خويـه ما تسـمعـونــي
***
ما تسمعوني اصيحن نومه وين اهل الشيم
ما تحظروني  يخويـه النـار گـّبت بالخـيـم
اتـشتـتـت مني الطفال اولا بگت يمي حرم
اشكـثر اصيحـن لايخـوتـي  ماتحـضروني
***
ماتحظروني  يخويه  نومه  كلكم  عالـثـرا
خلف ابوفاضل كفـيلي الحيـد سبع الگـنطرا
ما بگه عـنـدي  تچيـه او لابعـد عـندي ذرا
عا لهـزل  لشام   بعـد ك  ها ليمشـونــــــي
***
ها لمشيت اخلا ف عـينك لا يخويه  باليسر
اوصَبّت عيوني بعدكم هالشبه صّب المُطر
ابيوم سارالظعن خويه ابزجُر واعليكم يمُر
الأمرلالله اوريت خويه كون عميّه اعيوني
***
 
لاتعـوفـوني   :   لاتخـلـونـي  :   حسيـن
خـويـه   او    يالعـدا    لالا    تخـلــونـي
ايهـلـن   اعـيـونـي   يعـمــن   اعـيـونــي
افـراگـكـم   يصعب عَليّه    لاتعـوفـونــي
***
ملاحسن حلبوس العبادي