ساقي تشنه لب : فارسي وعربي

وا شهيداً وا شهيد .. وا ذبيحاً وا ذبيح 

1

من سمع لحسين ناده جار ويـــاي الزمن .. يا دهر اف من خليل اعليه صبيت المحن

لن برز من المخيم بدر و ادموعه جرن ... هذا محبوب الزجيه (كلأسير المرتهن)

بين ناس ابلايه غيره(لاسقوا صوب المزن)  ... لا تنكروني يوادم (انني ابن الحسن)

وعد ابويه الحسن حان .... اليوم حل بموعده

خلني يا مظلوم عنك ... ادفع اسيوف الرده

وا شهيداً وا شهيداه .. وا ذبيحاً وا ذبيحاه

2

نزل للميدان راجـل جنه حيدر من نزل .. بطل يحصد بالجماجم يا نعم هذا البطل

فحل من الحسن ماخذ كل كرامات الفحل ... ما تهمه اجيوش اميه لمن شد شسع النعل

و شد عليه ابن النفيل .... وطبر راسه بالغدر

صاح ادركني يعمي .... بطيحتي ريت العذر

وا شهيداً وا شهيداه .. وا ذبيحاً وا ذبيحاه 

3

هذا عريس الهواشم هذا يا رمله الحبيب ... شاهدي حاله يرمله شاهدي المنضر رهيب

تولته انصول العواسل واصبح بدمه خضيب ... طفوا اشموعه الزفافه بالدمه مامش نصيب

حنته اسيوف المنايه ....... حنته ابدم النحر

راسه وسفه بسيف غادر ..... شبل ياسين انطبر

وا شهيداً وا شهيداه .. وا ذبيحاً وا ذبيحاه

4

يصيح يا يمه إبـِشري بالعــواسل زفتي ... وبصهيل الصافنات أسمع هلاهل فرحتي

من دماي الهاشميه عجني يمه حنتي .... في سبيل الله تحله بدرب عمي موتتي

موته يمه وي حسين ...... موته يا محلاهه

صولتي بسفِر الخلود ....  خالقي خلاهه

وا شهيداً وا شهيداه .. وا ذبيحاً وا ذبيحاه

5

كربله ساحة بقاء بكــــل جوانبه خلود ... لو يكَطعونه ونموت ونرد هم نرجع جنود

دمنه يرخص للعقيده وعن مبادئنه نذود ... احنه شبان الكفاح بدمنه يتجله الصمود

احنه شبان الرساله ......... الاحمديه الخالده

احنه انصار العقيده.......المهدويه الراشده

مثل النه القاسم اصبح هلشعار انردده