ريـت  خويــه  لا  اجيــت  الكـربـــلا
او لعـتـنيت  الها لمصايب  و البـــــلا
***
لا اجيت  او لا  شفـت  هاذ  الـقهـــــر
اولا شفت  عباس  طاح  امن  المهــر
ابيوم  صال  اعـداه  من  عـنـده  تـفـر
وصل   يـومـه  و المگـــدر  جـنــد لا
***
وصل  يـومـه  لازم  ابهــاذ  الــوعـد
ما  تخلـفـونـه  حشاكـم  هَـل  عَهَــــــد
العُمُر وكـتـه  ابكربلا  يگـضي  بَعَــد
وانـه  لازم  عليَ  الهــزل   شــايـــلا
***
والعـده   بَعـدَ ك   يخــويـــه  حمّـلـت
والخـيـام  ابنـار  گـبّت  و احـرگــــت
اطفال رضع  بالمعــــاره  اتسحگـــت
عِـد مَـن  احچـي  يا ابـن  عالي  العُـلا
***
عِـدمَن  احچي  او اشتكي  بالي  جرا
كلهـــــا  ظلت بالـد  موم  امعـفــــرا
احسين  ياويلاه  مگطـوع  اظهـــــرا
احـذال  اخـوه  الي  كفـل  هال عايـلا
***
انگطع  ظهري  و لابَعَد عندي  ظهر
راحــــو الشبــان  كلـهُـم  و الـنصـر
امنـين  اجيـبَـن  فارس احنين او بَـدر
ينظـر  الشبــان   كلهــا   امجــنــد لا
***
ينظـر  الشـبان  كلهـــــا  طايــحــــه
او ينظر الا طفال  ضجـه او صايحه
يا يـبـه  الكل  بالـدموم  او سابحـــــه
او  انـا  بطفال  او  حريـم   امشكــلا
***
بويه  و الأعظـم  عليّ  رچـب  الهـزل
يوم  سار الظعـن  واعـيـوني  تهـــل
او گامت  الاطفــال  تعـّول  بالنـــزل
چـي  تـشوف  اجثـث  اهـلهـا امرملا
***
بس  جثـثهـا او سار يا بـويـه الظعـن
اوطـوح  الحــادي  ولا  گلبـه  یحــن
والطـفـال  اتـلـوع  و اتحـن او تــون
او روس  فـوگ ارماح  ويلي شايـلا
***
روس  فـوگ  ارماح  جـدامي  سَرَت
ريت  مَـيّـتــه  مـن  زمان  ولا شـفـت
يا رسولله   يجــــــــدي  ماحضــــرت
اتـشوف شنهـو الصار بحسين  اوهـلا
***
ريـت  خويـــه لا  اجـيـت  الكـربـــلا
اولعـتـنـيـت  الهـال  مصايب  والبــلا
***

الشاعِـر ملاحلبوص